مقالات

في حالة الوفاة بأمريكا…

سماح

الموت حق علينا كلنا، مؤخراً اكيد سمعنا كتير عن موت ناس في عز الشباب ، تركو وراءهم اطفال وممتلكات، انا عايزه اذكر بحاجة مهمه جدا لينا كلنا وهي الوصية..

من غير وصية ، الولايه بتحدد كيف اولادك وممتلكاتك يتم توزيعها وكيف ممكن جسدك يتم حرقه ودفنه مع مجموعه اجساد محروقة في حفرة واحدة اذا مافي وصية او شخص اتقدم واخذه.

الوصية ممكن تحفظ ( وجع رأس محاكم ومصاريف محامين) اذا الام والاب اتوفو وتركو اطفال وممتلكات وراهم.

الوصية ممكن تكتب فيها وتحدد فيها اولادك يمشو السودان لو عايز ، بس بشروط معينه، ممكن تكتب فيها ممتلكاتك تمشي لاخوك او اختك في السودان،  كلو ممكن بس في شروط معينه وكلمات معينه مفروض تتكتب في صيغة الوصية ، و المحامين ممكن يكونو عارفين تفاصيل صغيرة تجنب الحاجات تتأخر او تمشي لجهه تانية بموجب القانون.
المحامين بصورة عامة بيكتبو الوصية في حدود $١٠٠٠-٢٠٠٠$ دولار.
وربنا يديكم كلكم العافيه وطولة العمر..

مقالات ذات صلة

زر الذهاب إلى الأعلى