الأخبارعام

شيبة ضرار يهاجم البرهان : داير مننا شنو بالظبط..(طز فيك)

شن قائد قوات تحالف أحزاب وحركات شرق السودان القائد شيبة ضرار هجوما شديدا على رئيس مجلس السيادة الفريق أول ركن عبد الفتاح البرهان تسجيل فيديو جديد منتقداً رئيس مجلس السيادة الفريق أول ركن عبد الفتاح البرهان

ووجه ضرار إساءة للبرهان حيث قال له في تسجيل فيديو : طز فيك يابرهان ، اديت تلتمية مليون يورو للمحايدين ، نحنا المؤيدنكم والشغالين معاكم ادونا تلتمية طلقة، بقينا معاك مشكلة، دايرنا شنو نعمل، نبقى محايدين كدي ورينا عشان نطلع قرارنا نحنا كمان ولا نأيد الدعامة ،
وخاطب البرهان قائلا:انت داير مننا شنو بالظبط ، من ساعة الصفر نحنا مع القوات المسلحة مع القوات النظامية بمختلف مسمياتها ، دعم بالسلاح منعتنا دعم بالعربات منعتنا المشاركة منعتا ناس الشرق ، الناس المحايدين طلعتوا ليهم تلتمية مليون يورو نحنا المؤيدين مافي اي خدمات لينا انت دايرنا نبقي شنو

واضاف: انا عايز افهم منك يابرهان عشان نتعامل معاك باللغة الانت تعرفا دايرنا نبقي محايدين نربع ايادينا نقعد، دايرنا نعلن ضد القوات النظامية بمختلف مسمياتها ،

وختم شيبة ضرار حديثه قائلا ” انت اصلوا عاوز تضرنا كل الاوقات مفكر تضرنا نحنا المشاركة مانعنا الدعم من دولتنا مانعنا عشان انت علي راس الدوله ، بالظبط ورينا ابقي واضح

مقالات ذات صلة

زر الذهاب إلى الأعلى